Kissin fuh a livin

TIMES INT'L

Some people does wuk hard fuh a livin, while some don’t like to wuk at all. Some people does sell scandal fuh a livin and some does do backtrack fuh a livin. Then some does sell scandal and do backtrack at de same time fuh more than a livin.
Ah didn’t call de Kocheur News owner name.
A good set a people does be kissin fuh a livin. But which part a de body dem kisssin yuh could never know, because alotta de kissin does go on in private, but de public does still know bout it.
One ah dem kiss up de PEENC when he was at de Chronicle. He kiss up de Nuisance Nation too. He kiss up Burnin Ham and he kiss up Dis Mond. Then after de PEENC lose, he kiss up Slime News and de owner. Then he left Slime News, and mek a guess who he kissin now?
Ah didn’t call de Kocheur News owner name.
Anywhere yuh have people who does sell scandal and do backtrack, you does have plenty kissin up – especially when is time fuh do some Kocheur wuk.
Ting-a-ling-a-ling…friend tell friend…mattie tell mattie! And look fuh see how long more Baddam gon be kissin de  Mook.

Related posts